Día do Libro: conto sobre a contaminación do mar ( 5º EI)

Tras traballar os perigos que ocasiona o lixo no mar, descubrimos que as tartarugas comen bolsas de plástico pensando que son medusas, así que na semana da celebración do Día do Libro, pensamos en facer unha historia para contar o que descubrimos.
Primeiro creamos a historia entre todos, escollemos democráticamente a través de votacións o título do conto, cada neno/a debuxou unha parte e por último gravámonos contando cada escena ata conseguir este resultado. Tardamos bastante pero mereceu a pena. Grande traballo en grupo!!!




Copia de conto un mar de plásticos de nunca xamais

ARTE CON CREBAS ( 5º EI )

Tras traballar a importancia de coidar o noso mar, subimos ó corredor de arriba do cole para ver os murais e a reutilización que fixeron os maiores de materiais plásticos na creación de obras artísticas. Despois visitamos a aula onde están as crebas que as familias trouxeron a comezos de curso, e todas as recollidas nas visitas do alumnado ás distintas praias, como as que nós recollemos na praia de Seiruga, e unnha caixa metemos algunhas das crebas que pensamos que poderían ser susceptibles de converterse nunha obra de arte. En clase miramos, clasificamos, tocamos e pensamos que poderiamos facer coas crebas, así que no Leolab, dividimos a clase en 5 grupos pequenos, e cada un deles utilizando os materiais que consideraron, crearon obras artísticas moi orixinais resultado do traballo en equipo. Unha vez rematadas as obras , cada grupo tivo que chegar a un consenso para elixir o nome da súa creación, así temos: O peixe Lúa, o peixe Tiburón, o crocodrilo zampón, a Billa corococón e a cana de pescar.


ARTE CON CREBAS

Crebas (4º E.P.)

As crebas recollidas nas praias da contorna nos primeiros meses de curso serviron para que os escolares deixasen voar a imaxinación e contruiran estas auténticas obras de arte.  

Velaquí  as pezas realizadas polo alumnado de 4º de primaria

Un mar de crebas: Leo (1º E.P.)

Imaxinación e creatividade ao poder entre crebas! Creamos á mascota da nosa biblioteca: a serea Leo.

Leo cun libro e un xeado.

 

Libro do Patrimonio Inmaterial

Libro Patrimonio Inmaterial

Leer más publicaciones en Calaméo

Libro colectivo no que recollemos diferentes aspectos do patrimonio inmaterial malpicán, con motivo da dedicación do Día das Letras 2019 a Antonio Fraguas, eminente etnógrafo (entre outras cousas)

Agradecemos a colaboración das familias nesta recollida patrimonial

Un mar de letras: contos, cantigas e lendas (1º E.P.)

Rematamos o noso segundo mural: contos (Realidade Aumentada), cantigas e lendas.
Reciclamos as colas dos nosos disfraces de baleatos do entroido para engadir códigos QR, os cales enlazan coas diferentes tarefas integradas no proxecto "Baleas" que desenvolvemos este curso.

Paisaxe de costa

Características da paisaxe de costa

Despois da andaina que nos levou dende Ponteceso ata a praia de Valarés, comezamos a traballar sobre as características da paisaxe de costa na aula.

A ría, as dunas, a praia, o illote, un cabo... 

Ó longo da andaina vimos de primeira man moitas das peculiaridades desta paisaxe, despois, no cole, analizamos e completamos información. 

Finalmente, levamos a cabo esta exposición, nela resumimos todo o que aprendemos na saída, á vez que profundizamos nas peculiaridades da paisaxe de costa. 

Na páxina do concello de Ponteceso podes atopar máis información sobre esta ruta, e tamén fotos sobre esta paisaxe tan bonita e característica. PINCHA AQUÍ

Un mar de Letras Galegas 2019

Aínda non vos mostramos esta exposición: a que de novo nos preparou o profe Josecho coa selección de ibros para achegarnos ás Letras Galegas. Libros mesturados con crebas que exemplifican ben o que foi este curso para nós.

Cantigas (1º EP)

Letras Galegas 2019

As caixas sorpresa (1º EP)

I Concurso de Podcasts (1º EP)

Participamos no I Concurso de Podcasts de radio elaborados na nosa biblioteca convocado pola Consellería de Educación.
E facémolo co podcast Muller e Mar 2019 para homenaxear ás mulleres traballadoras do mar: as avoas armadoras e redeiras.
Grazas ás familias pola súa colaboración e á mestra de E.I., Marta Couto, pola asistencia técnica.
Esperamos que vos guste, nós aprendemos moito!

Visita de Xurxo Alfeirán

Hoxe visitounos Xurxo Alfeirán para falarnos de "A caza da balea en Malpica".
Unha marabilla de visita!
Grazas Xurxo!

COCIÑANDO PERCEBES ( 4º EI)

A pasada semana os nenos e nenas de 4º de infantil fixeron unha receita deliciosa: PERCEBES!!!

Antes de cociñalos, falaron sobre o oficio de percebeir@, onde viven os percebes, como se recollen... despois os viron, tocaron e uliron, e tras cociñalos degustaron este manxar!!!!!



FOTOS

Tartaruga mariña: comparando tamaños ( 5º EI)

Por fin rematamos de pintar a nosa tartaruga mariña. Está feita a tamaño real, 250cm, así que utilizando un metro moi grande, buscamos esta medida e despois tumados ,medímonos e escribimos no metro o noso nome para comparar as nosas medidas coas da tartaruga mariña máis grande.


Tartaruga mariña